今屆香港小姐競選，經過兩輪淘汰賽後最後十強終於誕生，當中最年輕的是只有17歲的佳麗邱晴（Mandy）從而晉身大熱，但原來Mandy身世複雜，選港姐全為孝順索媽媽。

17歲的Mandy是繼蔡少芬後，26年來最年輕的候選港姐，雖因學歷問題在賽前不被看好，但表現淡定的她早前在港姐「十強誕生」活動中，順利通過無綫兩大高層樂易玲與余詠珊法眼，成功晉身港姐十強，更獲苗僑偉（三哥）睇中作一對一指導助選。三哥還大讚Mandy：「佢都幾可愛，初時大家睇相以為佢被淘汰，但行出嚟幾有台型，佢有進步空間，係有baby fat，但觀眾鍾意！」更豪言：「邊個跟著我，都有三名內！」

有爆料者透露，原來Mandy來自單親家庭，邱母於99年、未夠20歲已誕下Mandy，隨後與丈夫離異，獨自將囡囡撫養成人。Mandy自小與母相依為命，同住於大圍公屋，家境一般亦缺乏父愛。不過，Mandy非常生性，平日會幫手做家務買餸，暑假還做暑期工減輕家庭負擔。由於兩母女樣貌娟好亦十分後生，因此兩母女平日出入，常被大圍街坊誤認是兩姊妹。

附圖：邱晴媽咪樣貌年輕，與女兒合照就似是兩姊妹多過兩母女。 

邱晴 Mandy Yau

年齡17

職業學生

學歷中六畢業

身高5'7½

體重(磅)125

身段34½ , 24½ , 36½吋

嗜好彈古箏、繪畫、泰拳、滑長板、品嚐美食、玩網絡遊戲

參選係為咗完成選美的心願，志向將自己樂觀積極的性格感染其他人。

報料來源：東周刊